"«Авесто»да Мовароуннаҳрда яшаган қадимий халқларнинг маданияти, диний-фалсафий тасаввурлари, сиёсат, ахлоқ, маиший ҳаёт, адабиёт, астрономия, биология, география, тарих, табииёт каби билимлари ҳақидаги бой материал ўз аксини топган. «Авесто»даги асосий ғоя эзгулик ва ёвузлик ўртасидаги кураш ғоясидир. Гаталарнинг бутун мазмуни ҳаётнинг турли томонларига, ҳаёт фаолияти ва ахлоқ маросимларига қаратилган. Шуни алоҳида таъкидлаш жоизки, Авестода, шунингдек, манихейчиликда илгари сурилган асосий ғоя, инсоннинг табиат билан уйғунлиги, табиатни асраш, инсоннинг ўз хулқ-атворини поклаш учун интилиши замонавий тиббий ва психологик таълимотларда эътироф этилаётганидек психологик саломатликнинг омилларидир. Замонавий онтопсихология, экзистенциал психология йўналишлари таълимотида ўз-ўзи ва борл"