Psixologiya so‘zi yunoncha psixo(ya’ni, ruh, jon) logos(so‘z, ilm) so‘z birikmasidan tuzilgan. Demak, psixologiya so‘zini o ‘zbekchaga o ‘girsak, ruh ilmi ma’nosini anglatadi. Kishining psixikasi haqidagi ta’limotni birinchi marta Aristotel (eramizdan avvalgi 384—322-yillar) «Jon haqida» kitobida bayon qilgan. Aristotel alohida fan bo‘lgan psixologiyaga asos solgan olim yoki psixologiya fanining otasi deb hisoblanadi. U bir qancha asarlar yozib, ularda psixologiya masalalari bo‘yicha o‘z qarashlarini bayon qiladi. Aristotel ruh tana bilan uzviy bog‘langan, deb hisoblaydi.