Guruhlarda trening o‘tkazishga bag‘ishlangan ishlar tarixi shuni ko‘rsatadiki, bu boradagi ishlar dastlab aynan psixologik ma’no va mazmun kasb etmagan. Bu soha asosan psixosomatik kasalliklar bilan bemorlar guruhini bir joyda davolashga harakatdan boshlangan. Bunda dastlabki tadqiqotlardan biri sifatida avstriyalik psixiatr F.A.Mesmerning va amerikalik shifokor Djozef Prattning (1930) olib borgan ishlarini keltirish mumkin. Ular har ikkalasi ham guruhiy terapiya usulini qo‘llagan holda o‘z kasallarini davolashga harakat qilganlar.