Tafakkur inson aqliy faoliyatining yuksak shaklidir. Bu obʼyektiv voqelikning ongda aks etish jarayonidir. Tafakkur atrof muhitni, ijtimoiy hodisalarni, voqelikni bilish quroli, shuningdek, inson faoliyatini amalga oshirishning asosiy sharti sanaladi. U sezgi, idrok, tasavvurlarga qaraganda voqelikni toʻla va aniq aks ettiruvchi yuksak bilish jarayonidir. Voqelik tafakkurda, idrok va tasavvurgina nisbatan chuqurroq va tòlaroq aks etadi. Tafakkur deb, voqelikdagi narsa va hodisalarni ular òrtasidagi boģlanishlarni fikran, umumlashtirib, vositali yòl bilan aks ettirishga aytiladi.