Mazkur o‘quv-uslubiy majmua oliy ta’lim muassasalarining nomutaxassislik yo‘nalishlari talabalariga o‘quv mashg‘ulotlarini tashkil etishda asosiy uslubiy qo‘llanma bo‘lib, psixologiya fanini innovatsion ta’lim texnologiyalari orqali samarali o‘qitishni maqsad qilgan. Unda psixologiya fanining mazmuni, tarkibiy tuzilishi, bilish jarayonlari, psixik holatlar hamda hissiy-irodaviy va motivatsion sohalar batafsil yoritilgan. O‘quv-uslubiy majmua oliy ta’limdagi ta’lim-tarbiya jarayonini tashkillashtirishga va talabalarning mustaqil ta’limini tizimli yo‘lga qo‘yishda foydalanish uchun tavsiya etiladi.