Braziliya, rasmiy nomi Braziliya Federativ Respublikasi (portugalcha: Brasil yoki República Federativa do Brasil) – Janubiy Amerikadagi eng katta va aholisi eng koʻp boʻlgan mamlakat boʻlib, ham aholi soni, ham maydoni jihatidan dunyoda beshinchi oʻrinni egallaydi. Maydoni – 8 512 760 ming km2. Aholisi – 212 411 400 kishi (2025). U Janubiy Amerika markazidan to Atlantika okeaniga qadar yoyilgan hududni egallab Amerikalarning „eng sharqiy“ mamlakatidir. Braziliya prezidenti davlat rahbari, hukumat boshlig‘i va qurolli kuchlarning oliy bosh qo‘mondonidir. Braziliya Milliy Kongressi ikki palatali tizimga ega: Deputatlar palatasi (513 deputat) - 4 yil muddatga saylanadi va aholi soniga qarab vakillar ajratiladi; Federal Senat (81 senator) - har bir shtatdan uch nafardan senator 8 yil muddatga saylanadi.