Диний эътиқоднинг пайдо бўлиши. Дин ижтимоий онг шаклларидан бири ҳисобланади. «Дин» маъносида қўлланган лотинча «religion» сўзи «художўйлик», «табаррук», «илоҳий» деган маънони англатади. Ҳозирга келиб дунёда моҳияти ва удумлари шаклига, диний институтларининг мураккаблиги, диндорлар кундалик ҳаётининг муайян тартибга бўйсундирилиш даражасига кўра ўзаро фарқли икки юзга яқин дин мавжуд. Улар бир худоли ва кўп худоли, уруғ-қабилавий ёки илк (дастлабки) динлар, миллий ва жаҳон динлари бўлиши мумкин.