Dunyo paydo bo’libdiki, axborot qanday mazmunda va qanday turda bo’lmasin, insoniyat uchun doimo muhim bo’lgan. Yillar, asrlar o’tishi va rivojlanish omillari axborot uzatuvchi vositalarni o’zgartirdi, xolos. Axborotga bo’lgan extiyoj esa taraqqiyot rivojlangani sari ortib boraverdi. Inson tabiati shunday, doimo yangilikka intiladi. Miya ham juda mukammal, qancha axborot qabul qilsa, shuncha charxlanib, o’sib boraveradi. Bir so’z bilan aytganda, axborot olish va tarqatishga bo’lgan ehtiyoj insoniyatda azal-azaldan shakllanib kelgan jarayondir.