Bitiruv malakaviy ishi O‘rta Osiyoda IX–XII asrlarda yuz bergan uyg‘onish davrining me’morchilik san’ati an’analari va o‘ziga xos xususiyatlarini chuqur o‘rganadi. Tadqiqotning asosiy maqsadi musulmon uyg‘onish davrining tarixiy shart-sharoitlari, mahalliy sulolalarning davlat tuzishi jarayoni, ijtimoiy-siyosiy va madaniy ta’sirlarini tahlil qilish hamda me’moriy yodgorliklar arxitekturaviy yechimlarini ko‘rsatishdan iborat. Ilmiy ish tarix fanining nazariy-uslubiy asoslari va milliy o‘zlikni anglash jarayoniga xizmat qilganligi bilan ahamiyatlidir.