Ushbu qo‘llanma O‘zbek musiqasi tarixini, ayniqsa maqomlarning Sharq xalqlari musiqa madaniyatidagi o‘rni va rivojlanishini o‘rganishga bag‘ishlangan. Kitobda o‘zbek musiqa madaniyatining tarixi, professional kompozitorlik ijodining rivojlanishi, xususan simfonik musiqa janrining vujudga kelishi va O‘zbekistondagi simfonik maktabning shakllanish jarayoni keng yoritiladi. Mualliflar professional va xalq musiqalarining tarixiy va nazariy asoslarini hamda uch asr davomida shakllangan Sharq musiqasi maqomlari haqida ilmiy va amaliy ma’lumotlarni taqdim etadilar.