Xalq musiqa ijodiyoti – musiqa san'atining eng qadimiyligi, O'zbek xalqining musiqa madaniyati, milliy-musiqiy an'analarning tub mohiyati. O'zbek xalq musiqa ijodiyoti musiqa san'atining eng qadimgi ildizlaridan biridir. O'zbek xalqining musiqa madaniyati juda uzoq tarixga ega. Tarixiy taraqqiyot davomida xalq og'zaki ijodi, xalq mumtoz musiqasi, an'anaviy kasbiy musiqa, xalq bastakorlik yo'llari singari shaklan va usluban bir-biriga yaqin ijrochilik ko'rinishlari bir-birini to'ldirib keladi. Musiqa boshqa san'at turlariga nisbatan o'zgacha ta'sir kuchiga ega. U insonning axloqiga, hissiyotiga, tuyg'ulariga qaratilgan bo'lib, shular orqali uning ongi va ruhiyatiga ta'sir ko'rsatadi. Xalq og'zaki ijodi yozma adabiyotdan ancha ilgari paydo bo'lgan bo'lib, yozma adabiyotning vujudga kelishida zamin bo'lib xizmat qilgan.