So‘z yasalishi muammosi o‘zbek tilshunosligi tarixida uzoq davrlardan buyon olimlar diqqatini jalb qilib keladi. Mahmud Koshg‘ariyning «Devonu lug‘atit turk» asarida ham, Alisher Navoiyning «Muhokamat ul-lug‘atayn» asarida ham, Muhammad Chingiyning «Kelurnoma», Fitratning “Sarf” asarlarida ham so‘z yasalishiga doir fikrlar bayon qilingan. XX asrning 30-40-yillarida fe’l va ot yasalishiga bag‘ishlangan maxsus asarlar dunyoga keldi. Lekin so‘z yasalishi alohida hodisa sifatida va bu hodisani o‘rganuchi «So‘z yasalishi» tilshunoslik fanining alohida bo‘limi sifatida ilk bor A.G‘ulomov tadqiqotlari asosida XX asrni