Мавзу: Жой релъефини топографик карта ва пландарда тасвирланиши. Бирор жойдаги нотекисликлар, яъни паст-баландликлар йиғиндисига шу жойнинг релъефи дейилади. Ер юзи релъефининг шакллари, уларнинг келиб чиқиши, ривожланиши ва тарқалишини ўрганадиган фан геоморфология деб аталади. Релъеф шаклларини келиб чиқиши, катта-кичиклиги, характери, денгиз сатхидан баландлиги, ташқи кўриниши ва бошқа хусусиятларига қараб бир неча хил бўлиши мумкин. Геодезияда релъеф шаклларини ташқи кўриниши жихатидан турларга ажратиш қабул қилинган.