Hozirda tabiiy landshaftlarning hududiy va tarixiy tarqalish areallarini aniqlash va o'rganish, insoniyat oldida turgan tabiatni muhofaza qilish va tabiiy resurslardan oqilona foydalanish kabi muhim va dolzarb muammolarni hal qilishda asos bo'lib xizmat qiladi. Eng avvalo ko'zlagan maqsadni amalga oshirishda ko'p lab usullardan, jumladan toponimik metoddan samarali foydalansa bo'ladi. Ma'lumki, har qanday nom muayyan tarixiy davrda, ma'lum tabiiy muhitda paydo bo'ladi. Shuning uchun, toponimlar joyning tabiiy-geografik xususiyatlarini aniq aks etadi.