Ma’muniylar (995 – 1017) sulolasi hukmronligi davrida davlat boshqaruv tizimi – dargoh va devondan tashkil topgan. Bu yerda hamma musulmon davlatlarida bo‘lgani kabi oliy hukmdor qarorgohi va saroyi dargoh deb atalgan va u davlat hayotining butun boshqaruvlarini qamrab olgan. Devonlar Ummaviylar davridan boshlab arab-musulmon dunyosida joriy etilgan bo‘lib, ular vazirga bo‘ysunuvchi devonlardan iborat alohida ma’muriy boshqaruv tizimini ifodalagan. O‘rta Оsiyoda Somoniylar davrida devonlar keng faoliyat ko‘rsatganligini va ancha takomillashganligini ko‘rish mumkin. Narshaхiyning ma’lumotiga ko‘ra, Buхoroda Somoniylar davrida vazir devoni, mustavfiy (g‘aznachi) devoni, «davlat tayanchi» devoni