Janubi-Sharqiy Osiyo mintaqasida Malayya arxpelagi va orollarini o‘z tarkibiga oladi. Siyosiy kartasi birmuncha murakkab bo‘lib, 6 ta respublika, 3 ta monarxiya va mustamlaka hududlar bor. Ijtimoiy-iqtisodiy rivojlanish darajasi turlicha bo‘lgan mamlakatlar joylashgan. Iqtisodiy-geografiya holati juda qulay va xalqaro savdo yo‘llari yaqiniga joylashgan. Malakka bo‘g‘ozi savdo-iqtisodiy ahamiyati jihatidan Suvaysh va Panama kanallari va Gibraltar bo‘g‘ozi bilan tengdir. Mintaqa mamlakatlari dunyodagi aholi soni eng ko‘p bo‘lgan Hindiston va Xitoy o‘rtasida joylashgan.