Биотерроризм - Хукумат, ташкилот ёки индивид томонидан ахолига қарши биологик қуролдан фойдаланишни назарда тутувчи терроризм шаклидир. Бактериологик қурол – бу касаллик чақирувчи микроблар ва уларнинг токсинлари ёрдамида аҳоли орасида оммавий касалланиш ҳолатларини ёки инсонлар, ҳайвонлар ва ўсимликларнинг халок бўлишини келтириб чиқарувчи қуроллардир. Бунда микроорганизм ёки уларнинг токсинлари турли жанговор ўқ-дориларга жойлаштирилган холда ёки турли сепувчи қурилмалар воситасида мўлжалланган ҳудудларга тарқатилади. Бундан ташқари бактериологик қуроллар касаллик чақирувчи қўзғатувчилар билан зарарланган бўғимоёқлилар, кемирувчилар ва бошқа ҳайвонлар воситасида хам қўлланиши мумкин.