Patologik prosessting aktivligi hám keselliktiń keshiwine baylanıslı klinikanıń ózgesheligi, ótkir revmatik ısıtpanıń laborator-áspablı diagnostika principların úyreniw. Balalarda klinik kórinisleri hár túrli. ÓRÍ negizi angina hám faringit klinikasınan 2 – 3 hápte ótip payda boladı. Nawqaslarda hálsizlik, sharshaw hám terlewler kóp gúzetiledi. Balalarda ÓRÍ baslanǵısh belgilerine birden temperaturanıń kóteriliwi, intoksikaciya simptomları, artralgiya hám poliartrit kiredi.