Bronxlar obstruksiyasi bronx va o‘pka kasalliklarining kechishi va bu kasallik natijasiga ta’sir qiluvchi patofiziologik buzilishlarning sabablaridan biridir. Bemorlarda bronxlar obstruksiyasi borligini quyidagi klinik belgilarga asoslanib aniqlash mumkin: 1. Xansirashning o‘zgarib turishi va uning atmosfera omillari (sovuq, namlik) bilan bog‘liqligi. 2. Nafas chiqarishning qiyinlashgani va uning nafas olishga nisbatan uzayganligi. 3. Xansirashni kuchaytiruvchi yo‘talning mavjudligi. 4. Ko‘krak kafasida xushtaksimon xirillashning sezilishi. 5. Tinch nafas olish yoki kuchli nafas chiqarish vaqtida quruq, ayniqsa yuqori tembrdagi xirillash.