Буйрак – бу одам организмидаги жуфт орган бўлиб, анатомик жиҳатдан ҳар бири 150 гр гача вазнга эга, ташқи юзасидан мустаҳкам фиброз парда билан ўралган, Кесиб кўрилганда пўстлоқ қавати, мия қават пирамидалари, косачалар ҳамда жоми фарқланади. Бир кун давомида иккала буйрак 100-150 литр бирламчи сийдик филтрациялайди. Бирламчи сийдик эгри-бугри каналчалар орқали оқиб ўтишда қайтадан реабсорбцияга учрайди ва охир оқибатда 1,5 литр иккиламчи сийдик чиқиб кетади.