Ички секреция безларига қуйидагилар киради: гипофиз, қалқонсимон без, қалқонсимон без ёнидаги безлар, меъда ости бези, буйрак усти безлари, эркак ва аёл жинсий безлари, эпифиз, айрисимон без, йўлдош, ҳамда ошқозон-ичак йўлидаги эндокрин ҳужайралар. Ушбу безлар синтезлайдиган маҳсулотлар «гормон» деб номланади. Ички секреция безларининг ташқи секреция безларидан фарқли равишда, чиқарув йўллари бўлмай, улар ўз гормонларини бевосита қонга ажратади. Гормонлар қон билан плазмада эриган ҳолда, плазма оқсиллари билан бириккан ҳолда ташилади.