Ishlab chiqarish muhitidagi keng tarqalgan zararli fizikaviy omillar qatoriga ishlab chiqarishga doir shovqinni kiritish mumkin. Shovqin deb, vaqt birligi ichida atrof-muhitga turli tezlik va jadallikda tarqaladigan tovushlar majmuasiga aytiladi. Ishlab chiqarish shovqinning asosiy manbai - ishlab chiqarishdagi jihozlarning aylanishi, urilishi, ishqalanishidan hamda kuchli havo oqimlari, havo harakati va boshqalar hisoblanadi. Shovqinning ishchilar organizmiga nomuvofiq ta‘sir etish mumkinligi va ta‘sir etish darajasi shovqinning ta‘sir darajasiga, ta‘sir etish muddatiga va chastotali tarkibiga bog‘liqdir.