Homiladorlik toksikozlari - (H T) tushunchasi homiladorlik tufayli yuzaga kelgan va homiladorlik tugashi bilan bartaraf bo’ladigan barcha patologik holatlarni o’z ichiga oladi. Toksikozlar, ayol organizmida homiladorlik tufayli vujudga keladigan patologik holat bo’lib, ko’pgina simptomlar bilan namoyon bo’ladi, ulardan asosiysi markaziy asab tizimi, qon tomirlari holatining va moddalar almashinuvi buzilishi hosdir. Erta paydo bo’ladigan toksikozlar - asosan asab, endokrin tizimi, ovqat hazm qilish yo’llari, immunologik va boshqa tizimlar holatiga bog’liq bo’ladi. Bunda ayolning ko’ngli ayniydi, qayta-qayta qayt qiladi, so’lagi oqadi. Hozirgi kunda 50 dan ortiq nazariyalar bor, ularda erta paydo bo’ladigan toksikozlar turlicha talqin qilinadi.