Инфекция жараён – компенсатор ҳимоя-мослашув ва патологик реакциялар мажмуаси бўлиб, макроорганизм (одам ва ҳайвонлар) ва микроорганизм (инфекцион касаллик қўзгатувчи)ларни маълум ва маҳсус шароитларда ўзаро муносабати туфайли юзага чиқади. Инфекцион касаллик-инфекцион жараённи ўзига хос кўриниши бўлиб ҳужайин-организм билан паразит-организм (турлари) ўртасида ўзаро конфликтни юзага чиқиши билан намоён бўлади. Ушбу конфликтнинг даражасини турли омиллар белгилаб беради: макроорганизм ҳусусиятлари (носпецифик ва специфик реактивлик ҳолатлари) ҳамда қўзгатувчиларни патогенлиги. Ушбу омилларга мувофиқ тарзда барча инфекцион касалликлар куйидагича тафовутланади: ўткир, ўткир ости, сурункали ва жуда секин тарзда кечувчи. Булардан охиргиси, жуда узоқ давом этади, аксарият ҳолатларда ўлим билан тугайди.