Gemangioma — qon tomiri endoteliya hujayralarining proliferatsiyasi tufayli hosil boʻlgan xavfsiz oʻsma. Bola organizmining umumiy oʻsishidan qatʼi nazar, proliferativ tarzda oʻsadi, arteriya qoni bilan oziqlanadi va baʼzi hollarda regressiyaga uchraydi. Asosan teri va teri osti yogʻ toʻqimasida, kamroq parenximatoz aʼzolarda uchraydi. 90% holatda tugʻilish paytida aniqlanadi, qolganlari bir yoshga qadar namoyon boʻladi. Yuz-jağ sohasida kapillyar, kavernoz, kombinatsiyalangan (kapillyar-kavernoz) va aralash (gemlimfanggioma) shakllari mavjud.