Қандли диабет дунё аҳолиси орасида кенг тарқалган касаллик бўлиб, 100 млн дан ортиқ кишилар шу хасталикдан азият чекмоқдалар. Бу касаллик Республикамиз аҳолиси (асосан кекса ёшдаги кишилар) орасида ҳам учраб, беморларнинг 15% дан кўпроғи мунтазам равишда парҳез таомлар истеъмол қилиб, қонда қанд миқдорини камайтирувчи дориларни ичиб юрадилар. Қабул қиладиган дори воситаларидан қатъий назар қандли диабетга чалинган бемор парҳез қилиши соғлом турмуш тарзига риоя қилиши, зарарли одатларни тарк этиши, енгил жисмоний меҳнат ёки баъзан тарбия билан шуғулланиши шахсий озодаликка амал қилиши ўзи учун тўғри касбни танлай билиши, энг муҳими бемор оқилона даволаниш узоқ вақт меҳнат қобилиятини ва соғлигини сақлаб қолиши учун ушбу касаллик ҳақида муайян даражада тиббий билим ва тиббий маданиятга эга бўлиши лозим