Тўқима ва ҳужайралар таркибидаги карбонсувлар қувват мақсадида доимо сарф бўлиб туришига қарамай, овқат билан етарли миқдорда карбонсувлар тушганда, уларнинг ҳужайра ва тўқималардаги миқдори доимий равишда ушланиб туради. Айрим карбонсувлар биологик фаол хусусиятга эга бўлиб, организмда махсус вазифаларни бажаради. Бундай карбонсувларга аскорбинат кислота киради. У С витаминлик хоссасига эга. Гепарин қон томирларда қоннинг ивиб қолиши олдини олади, гиалурон кислота ҳужайра қобиғи орқали бактерияларнинг ўтишига қаршилик қилади. Қарбонсувларнинг асосий физиологик аҳамиятидан бири уларнинг қувватлилик хусусиятидир. Карбонсувлар органик мускул системалари фаолияти жара