Kompyuter tomografiya rentgen analizining zamonaviy usuli, odamning ichki aʼzolari, sanoat mahsulotlarining ichki tuzilishi ni tadqiq qilish uchun moʻljallangan qurilma. Bunda har xil nurlar bilan yoritish va hisoblash usullari yordamida olingan obyekt ichki tuzilishining qatlam-qatlam tasvirlari (tomogrammalar) oʻrganib chiqiladi va obyekt haqida tegishli xulosa chiqariladi (qarang Tomografiya). AQSH olimi A. Kormak tomonidan 1963-yil ishlab chiqilgan, boshqa olimlar tomonidan takomillashtirilgan.