Nafas a’zolarining kasalliklari turlicha bo‘lib, mustaqil holda yoki boshqa patologiyalarning asorati yoki yo‘ldosh kasallik sifatida ko‘p uchraydi. Nafas olish jarayoni uzunchoq miyada joylashgan nafas markazi orqali boshqariladi. Bu markazning faolligi qondagi karbonat angidridi miqdoriga bog‘liq, chunki CO2 nafas markazini bevosita qo‘zg‘atadi. Bundan tashqari nafas markazi reflektor yo‘l bilan (karotid koptokchasidagi xemoretseptorlar) ham qo‘zg‘aladi.