Professor G.Shayxova tahriri ostida tayyorlangan "Ovqatlanish gigiyenasi" darsligi O‘zbekiston Respublikasi Oliy va о‘rta maxsus ta’lim vazirligi tomonidan tibbiyot profilaktika ishi mutaxassisligi bo‘yicha bakalavr talabalari uchun tavsiya etilgan. Darslik ovqatlanish gigiyenasining nazariy va amaliy jihatlarini, davlat sanitariya-epidemiologiya nazoratining asoslarini, oziq-ovqat mahsulotlari sifati va xavfsizligini ta’minlash uchun kerakli bilimlarni o‘z ichiga oladi. Unda ovqatlanish gigiyenasi sohasidagi qonunchilik, xalqaro standartlar (BJSST), ovqatdan zaharlanishlar, oziq-ovqat mahsulotlari ekspertizasi, parhez-profilaktika va aholi sog‘lom ovqatlanishini tashkil etish masalalari batafsil ko‘rib chiqilgan. Darslik shu bilan birga zamonaviy ilmiy qarashlar va tahlillar asosida davlat siyosatini, kasbiy ta’lim va tashviqot ishlarini yoritadi.