Bosh miyada qon aylanishining o‘tkir buzilishiga insult deb aytiladi. Ishemik, gemorragik va aralash tipdagi insultlar farqlanadi. Ishemik insult miyaning ma’lum bir qismida qon aylanishning keskin pasayishi yoki to‘xtashi sababli yuzaga keladigan klinik sindrombo‘lib, paydo bo‘lgan nevrologik buzilishlar 24 soatdan ortiq saqlanadi. Etiologiyasi. Ma’lumki, kasallik rivojlanishiga bevosita aloqador bo‘lgan patologik holatlarga etiologik omillar deb aytiladi. Ishemik insultning asosiy etiologik omillari – bular xafaqon kasalligi (arterial gipertoniya), ekstra- va intrakranial tomirlar aterosklerozi, kardiogenomillar (miokard infarkti, yurak klapanlari yetishmovchiligi, hilpillovchi aritmiyalar), qandli diabet va vaskulitlar. Insult rivojlanishida kamahamiyatli bo‘lgan etiologik omillarga leykoz, polisitemiya, anemiya, trombositoz, antifosfolipid sindrom, migren, infeksion arteritlar va kollagenozlar kiradi.