Radiologik diagnostika tibbiyot radiologiyasining mustaqil qismi bo‘lib, radionuklid va RFPlar yordamida a`zo va tuzilmalardagi patologik jarayonlarni aniklash usulidir. Radionuklid tekshirish usullari bemorning organizmiga yuborilgan RFP nurlarini o‘lchash va qayd qilish yoki biologik namunalarni radiometriya qilish printsipiga asoslangan. Radionuklid yoki RFP qo‘llab organizmda moddalar almashinuvini, a`zo va tuzilmalar faoliyatini, qon va limfaning tomirlarda oqish tezligini hamda gazlar almashuvini, sekretor ekskretor jarayonlarni o‘rganishda, a`zo va tuzilmalarning anatomotopografik tasvirini olishda qo‘llaniladi.