Revmatizm — biriktiruvchi toʻqimaning keng tarqalgan yalligʻlanishi bilan kechadigan kasallik bo‘lib, asosan yurak, bo‘g‘imlar va boshqa a’zolarni zararlaydi. Kasallik birinchi marta 1838-yilda G.I. Sokolskiy va fransuz Buyo tomonidan o‘tkir revmatizm xurujining klinikasi bilan tasvirlanib, yurak shikastlanishi bilan bog‘liqligi aniqlangan. Bolalar va oʻsmirlar eng ko‘p ta’sirlanadi, ayollarda erkaklarga nisbatan 1,5–2 barobar ko‘proq uchraydi. Patogenezda yurak-qon tomir tizimi shikasti, irsiyat omili va streptokokk infeksiyasining roli muhim hisoblanadi.