Darsning maqsadi karam, bodring va pamidorni tuzlash texnologiyasi bilan tanishish. Talabalarga karam, bodring va pamidorni tuzlashda zarur bo’ladigan ziravorlar, jihozlar va materiallarni hisoblashni o’rgatish. Konservalashni mikrobiologik usuli mahsulotni achishi natijasida hosil bo’ladigan sut kislotasi yoki spirt bilan koservalash xususiyatiga asoslangan. Ya’ni mahsulotda 1,5-2,0% sut kislotasi yoki 3-5% spirt yig’ilib qolsa bu inson uchun bezarar bo’lib, mikrobiologik buzilishdan mahsulotni saqlaydi. Karam, pomidor va bodring mahsulotlarini tuzlash yo’li bilan ularni uzoq saqlab qolish shunga asoslangan. Karam tuzlash. Ishlash tartibi: tuzlash uchun qand moddasi miqdori ko’p bo’lgan karam navlari yoki asosan kechpishar navlar ishlatiladi. Undan tashqari kechki navlar kech kuzda pishadi.