Сариқлик – жигар ва ўт йўллари нинг шикастланишида ривожланувчи симптомокомплекс бўлиб, тери қопламлари ва шиллиқ қаватларнинг сарғайиши биланкечади. Сариқлик нинг тери ва склеранинг сариқ рангга бўялиши яққол кўзга ташланадиган белги бўлиб, нафақат шифокор, балки беморнинг ўзи ва атрофидагиларнинг диққатини ўзига жалб эта ди. Шунга кўра сариқликни аниқлаш қийинчилик туғдирмайди. Сариқлик сабабини аниқлаш анча мураккаб бўлиб, у кўпгина юқумли ва юқумли бўл маган касалликларда кузатилади. Жуда кўп ҳолларда врачлар беморларда сариқлик аниқлашганда вирусли гепатит ташхисини қўйишади. Вирусли гепатит ташхисини инкор этилиш фоизи турли касалхоналардатурлича бўлиб, 30% дан 40%гачани ташкил эта ди.