Силга қарши дори воситалари сифатида синтетик (изониазид, этамбутол, этионамид, протионамид, пиразинамид, натрий парааминосалицилат), шунингдек антибиотиклар (рифампицин, стрептомицин, канамицин, амикацин, циклосерин) қўлланилади. Ушбу дори воситалари антимикроб спектри бўйича жуда фарқланади. Синтетик воситалар фақат сил микобактерияларига бактериостатик таъсир кўрсатади (айрим бирикмалар проказа микобактерияларига нисбатан ҳам фаолликка эга). Бироқ, айрим препаратлар (изониазид, рифампицин, стрептомицин) маълум концентрацияларда бактерицид самара ҳам кўрсатади.