Olimlarning fikricha, sog‘lom turmush tarzi olti asosiy shartga amal qilishga asoslanar ekan. Ulardan birinchisi, to‘g‘ri ovqatlanish bo‘lib, kundalik isteʼmol qilinadigan oziq-ovqatlarni organizmning fiziologik, biologik talablari asosida tanlash va isteʼmol qilishdir. Ikkinchi shart doimo harakatda bo‘lishni ta'kidlaydi. Kishi kundalik hayotda jismoniy mashqlar, sport o‘yinlari, badanni chiniqtiruvchi muolajalar bilan ko‘proq shug‘ullansa, organizmdagi fiziologik, biologik jarayonlar faollashadi. Natijada, kayfiyat ko‘tarilib, ishchanlik qobiliyati ortadi. Uchinchi shart kun tartibi va ishni biologik rejim asosida tashkil qilishni qo‘llab quvvatlaydi.