Periodont - tish va alveola kompakt plastinkasi orasida joylashgan murakkab kushuvchi to‘qimadir. Periodont to‘qimasida hujayra, oraliq modda, fibroz kollagen tolalar, qon tomirlar va nerv tolalari mavjud bo‘lib, u tolalar ustivorligida tuzilgan. Bolalarda esa periodont to‘qimasi yumshoq tolali qon tomirlar va hujayra elementlariga boy bo‘lib, har qanday tashqi ta'sirga yuqori reaktivlikka ega. Bolalar yoshida periodont tuzilishi barqaror emas, tish ildizlari shakllanishi va surilishi davomida hamda bolaning o‘sishi jarayonida u moslashib o‘zgaradi.