Клиник (топографик) анатомия – аъзо ва тўқималарнинг инсон танасидаги соҳалар бўйлаб ўзаро жойлашуви ва муносабати ҳақидаги таълимот. У грекча topos (жой) ва grapho (ёзаман) сўзларидан келиб чиққан. Оператив жарроҳлик билан бирга бир бутун бўлиб, икки яхлит фаннинг йирик бўлимларидир. Клиник анатомия амалий фан бўлиб, клиниканинг, айниқса жарроҳлик клиникасининг талабларига жавоб беради. Нормал анатомия инсон танаси тузилишини аъзолар системалари бўйича, яъни аналитик йўл билан ўрганади. Клиник анатомия эса бу алоҳида қисмларни бирлаштириб, улардан мазкур соҳанинг яхлит тасвирини тузади.