Тромбоцитлар агрегациясига таъсир этувчи дори воситалари орасида антиагрегантлар (агрегацияни пасайтирувчилар) амалий аҳамиятга эга. Қон ивишига таъсир этувчи дори воситаларидан қон ивишини пасайтирувчи антикоагулянтлар ва бу жараённи кучайтирувчи гемостатиклардан кенг фойдаланилади. Фибринолизнинг эндоген тизимига таъсир этувчи воситалар фибринолитик (фибринолизни фаоллаштирувчилар) ва антифибринолитик (фибринолизни сусайтирувчилар) гуруҳларга ажратилади. Санаб ўтилган дори воситалари тиббиёт амалиётида ҳар хил мақсадларда қўлланилади: антиагрегантлар ва антикоагулянтлар тромб ҳосил бўлишининг олдини олиш, фибринолитиклар – янги пайдо бўлган тромбларни эритиш учун фойдаланилади. Қон ивишини оширувчи воситалар ҳамда антифибринолитик воситалар турли қон кетишларини тўхтатиш учун буюрилад