Viruslar obliqat hüceyrədaxili parazitlərdir. Onlar yalnız həssas hüceyrələrin daxilində çoxala bilirlər. Viruslar orqanizmə daxil olduqda yalnız öz növləri üçün həssas olan hüceyrlərdə çoxalırlar. Bu virusların tropizmi ilə əlaqədardır. Məsələn, hepatit virusları əsasən qaraciyərdə (hepatotrop viruslar), quduzluq virusu əsasən sinir hüceyrələrində çoxalır (neyrotrop viruslar). Virusların müəyyən hüceyrələrə qarşı tropizmi onların sahib hüceyrələrlə qarşılıqlı təsir xüsusiyyətləri ilə izah olunur. Virusların həssas hüceyrələrlə qarşılıqlı təsiri bir neçə mərhələdə gedir. 1. Virionun adsorbsiyası. Bu mərhələdə virion sahib hüceyrənin səthinə adsorbsiya olunur.