Vitaminlar tirik organizmlarning hayot faoliyati uchun zarur bo‘lgan biologik faol moddalardir. Ular ko‘plab biokimyoviy jarayonlarda, jumladan nerv impulslarining o‘tishi, ko‘rish akti va boshqa fiziologik jarayonlarda ishtirok etadi. Vitaminlar bir-biridan tuzilishi va tarkibi jihatidan farq qilsa-da, ularning ba'zilari o‘xshash biologik ta'sirga ega. Yog‘da eriydigan vitaminlar (A, D, K, E, F guruhlari) organizmda zahira shaklida to‘planadi va ularning yetishmasligi yoki ortiqcha qabul qilinishi muhim ahamiyatga ega. Masalan, A vitamini ko‘rish qobiliyatini ta’minlaydi va yetishmovchiligi o‘sishning to‘xtashi va ko‘rishning pasayishiga olib keladi. E vitamini (tokoferol) esa ko‘payish jarayonlarida muhim rol o‘ynaydi.