Qo’l suyaklari odamning qo’li mehnat quroli sifatida erkin harakatlanadi. Qo’lning kamar qismi ikki suyak: o’mrov va kurakdan tashkil topgan. Qo’lning erkin qismi uch qismdan: proksimal - yelka suyagi; o’rta-bilak va tirsak suyaklari; distal – qo’l kafti suyaklari. Yelka suyagi (humerus) uzun naysimon suyaklar turkumigakiradi. Unda tanasi (corpus humeri) va ikkita: yuqorigi (proksimal) va pastki (distal) uchlari tafovut qilinadi. Yelkaning boshchasi (caput humeri) yuzaegat-anatomik bo’yni (collum anatomicum) Bu egat boshchani tashqariroq joylashgan katta bo’rtiq (tuberculum majus) va undan oldinda joylashgan kichik bo’rtiqdan (tuberculum minus) ajratib turadi. Har bir bo’rtiqdan pastga qarab katta va kichik bo’rtiq qirralari (crista tuberculi majoris et minoris) ketadi. Bo’rtiqlar va qirralar o’rtasida bo’rtiqlararo egat (sulcus intertubercularis) bo’lib, unda yelka ikki boshli mushagi uzun boshining payi yotadi. Bo’rtiqlardan pastroqda hirurgik bo’yni (collum chirurgicum) joylashgan.