Bolalarning sog‘lom o‘sishida tish-jag‘ tizimi a‘zolari tishlar, ular atrofidagi jag‘ suyaklari va pastki jag‘ni harakatga keltiruvchi mushaklar alohida rol o‘ynaydi. Tish-jag‘ tizimi a‘zolari ovqatni uzib olish, maydalash bilan birga so‘lak va me‘da shirasi ajralishini tezlashtirib, ovqatni me‘dada hazm bo‘lishini osonlashtiradi. Agar u kasallikka chalinsa, bolalik va o‘sirlik davrida noto‘g‘ri rivojlansa yoki tish tushib ketgan bo‘lsa o‘z vazifasini to‘la bajara olmaydi. Tug‘ilgandan boshlab 7 yoshga kirguncha bolaning og‘irligi 7-8 marta, 15 yoshlarda 12-13 marta oshadi. Tananing bunday zo‘r berib o‘sishi yosh organizmning oziq moddalarga bo‘lgan talabini bir necha marta oshirib yuboradi.