Mazkur magistrlik dissertatsiyasi Andijon viloyatining XX-XXI asr boshi tarixini ayniqsa mintaqaviy matbuot vositalari – “Kommunist”, “Andijanskaya pravda” va “Andijonnoma” gazetalarida qanday yoritilganligini tizimli ravishda o‘rganadi. Dissertatsiyada tarixiy voqealarning mazmuniy, ideologik, tarixiy va uslubiy tahlili, matbuot maqolalarining tarixshunoslik manbai sifatidagi ahamiyati ochib berilgan. Ish nazariy jihatdan mintaqaviy tarixshunoslik va matbuot tarixini boyitadi, amaliy jihatdan esa talaba va magistrantlar uchun metodik qo‘llanma vazifasini bajaradi. Tadqiqot metodologiyasi tarixshunoslik va jurnalistika fanlari metodlariga asoslangan, shu jumladan kontent-analiz, matnshunoslik tahlili va manbashunoslik usullari qo‘llanilgan.