ХIV-ХVI АСРЛАРДА МОВАРОУННАҲРДА ТАЪЛИМ-ТАРБИЯ ВА ПЕДАГОГИК ФИКРЛАР РЕЖА: 1.ХIV-ХVI асрларда Мовароуннаҳрда таълим-тарбия ва педагогик фикрлар тараққиёти. 2.Соҳибқирон Амир Темур(1336-1370-1405)нинг маърифий қарашлари ва унинг педагогика фанида тутган ўрни. 3.Мирзо Улуғбекнинг илмий мероси ва унинг таълимий-тарбиявий қарашлари. 4.Захириддин Муҳаммад Бобурнинг маърифий-ахлоқий қарашлари. ТАЯНЧ ТУШУНЧАЛАР: «Марказлашган давлат»; «Мадраса ва мактаб», «илм-фан», «маданият, санъат», «Амир Темур тузуклари», «Зижи Кўрагоний», «Улуғбекнинг таълим ислоҳатлари», «Бобурнома», «Эсдаликлар» Тарихдан бизга маълумки, Мовароуннаҳрда қарийиб бир ярим аср(150 ) давомида Мовароуннахр мўғул истилочилари томонидан вайрон этилди. Фан-маданият, маърифатга жуда катта путур етказилди. Хонавайрон бўлган Мовароуннахр халқи XIV асрнинг бошларига келиб Мўғул истилочилари зулмидан қутила бошлади. Мовароуннахрда кучли давлат тузишга бўлган интилиш ғолиб келди. Мўғул истилочиларига қарши Бухорода халқ Махмуд Торобий бошчилигида қўзғалди, Самарқанд ва Хуросонда эса Сарбадорлар қўзғалонлари рўй берди. Натижада Сарбадорлар узоқ муддат хатто хокимиятни ҳам бошқариб турдилар.