Markaziy Osiyoda eneolit davri yodgorliklarining tarixiy talqini masalasidagi turli qarashlar Reja: Oʻzbekiston hududining jahon sivilizatsiyasidagi oʻrni.Markaziy Osiyoda arxeologik tadqiqotlar.Oʻrta Osiyo sivilizatsiyasi va geografik omillarEneolit (mis-tosh davri).Oʻrta Osiyo va Old Osiyo sivilizatsiyalari oʻrtasidagi aloqalar.Eneolit davrining ijtimoiy-iqtisodiy ahamiyati.Xulosa.Hozirgi kunda Oʻzbekiston hududi insoniyat tarixida muhim oʻrin tutib, jahon sivilizatsiyasi oʻchoqlaridan biri boʻlgani toʻgʻrisida shubha qolmadi. Qadimdan bu zaminda yuksak madaniyatlar, ilgʻor texnologiyalar va kuchli davlatchilik anʼanalari shakllangan. Ayniqsa, Oʻzbekistonning boy arxeologik va madaniy merosi ushbu hududning insoniyat taraqqiyotiga qoʻshgan ulkan hissasini namoyon qiladi. … Oʻrta Osiyo sivilizatsiyasidagi madaniy va iqtisodiy rivojlanish jarayonini tabiiy-geografik sharoitlar orqali izohlash mumkin. Bu hududlarda madaniyatlar turli davrlarda shakllanib, mahalliy sharoitlarga muvofiq rivojlandi. Janubiy hududlardagi qabilalarning dexqonchilikka erta oʻtishlari ularning oʻtroq hayot tarziga oʻtib, unumdor xoʻjalik yaratishlariga imkon bergan boʻlsa, shimoliy hududlardagi qabilalar chorvachilik, ovchilik va baliqchilikning dastlabki shakllarini saqlab qolganlar. … Eneolit yoki mis-tosh davri insoniyat tarixida oʻta qiziqarli va oʻziga xos bosqichdir. Uning mohiyati shundaki, bu davrda insonlar tosh asridan bronza davriga oʻtishning muhim jarayonini boshdan kechirgan. Biroq, bu oʻtish bir zumda emas, balki taxminan bir yarim ming yil davomida sekinlik bilan amalga oshgan. Eneolit davrida mis maʼdani birinchi marta faol qoʻllana boshlangan, lekin bu maʼdanning texnik xususiyatlari, xususan, uning yetarli darajada mustahkam emasligi, keng ishlab chiqarish uchun yaroqsizligi uni tosh qurollar bilan birga qoʻllashga majbur qilgan. Shuning uchun, odamlar tosh qurollardan voz kechmagan holda, misdan yasalgan buyumlarni ham tadrijiy ravishda hayotga tatbiq etishni oʻrganishgan.