O‘rta Osiyo geografik o’rni va o‘rganilish tarixi, siyosiy xaritasining shakllanishi. O’rta Osiyo -Yevrosiyo materigining oʻrta qismida, gʻarbda Kaspiy dengizi qirg’oqlaridan sharqda Xitoy chegarasigacha, shimolda Gʻarbiy Sibir tekisligidan, janubda Nishopur, Safedkoʻh va Hindukush togʻlarigacha choʻzilgan yirik tabiiy geografik oʻlka. U materik ichkarisida, Atlantika okeanidan 4 ming km, Shimimoliy Muz okeanidan 2,5 ming km, Tinch okeandan 5,5 ming km. va Hind okeanidan 1 ming km ga yaqin masofada joylashgan, suvlari okeanlarga chiqib keta olmaydigan berk havzadan iborat. Oʻrta Osiyo hududi oʻrta asrlarda, Turon arab manbaalarida Movarounnahr, XIX asrning 2-yarmi va XX asr boshlarida (1924—25 ylarda oʻtkazilgan milliy davlat chegaralanishigacha) Turkiston deb atalgan, keyinchalik Oʻrta Osiyo deb ataladigan boʻldi