Arxivshunoslik va manbashunoslik kafedrasi o‘qituvchisi Yusupov Mansur Misirovich XX asrning 70-yillarida arxiv hujjatlari sonining ortib borishi natijasida, arxivlar saqlovxonalarida hujjatlar sig‘imi muammosi yuzaga kelgan. O‘zSSR Ministrlar Sovetining 1973 yil 16 fevraldagi 55-sonli qaroriga asosan, 1970-1980 yillarda arxivlar uchun alohida ixtisoslashtirilgan binolar arxivlarining idoraviy arxivlar bilan olib borayotgan davlat uslubiy ishlarini amaliy yordam bilan bog‘lash maqsadida, ularning tarkibida hujjatlarni qayta ishlash bo‘yicha maxsus xo‘jalik hisobidagi guruxlar tashkil etish kabi masalalar belgilab berilgan edi. Ushbu hujjat ijrosi yuzasidan Toshkent shahar ijroiya qo‘mitasining 1973 yil 8 avgustdagi 632-sonli qarori qabul qilinib, uning asosida shahar ijroiya qo‘mitasi tarkibida arxiv bo‘limi tashkil etilgan. Uning tizimida alohida Toshkent shahar davlat arxivi ham tashkil etilgan. Arxiv bo‘limiga dastlab X.Teshabayev mudir etib tayinlangan. Bo‘lim tarkibida 5 shtat birligida: bo‘lim mudiri, katta inspektor, inspektor, buxgalter va mashinkada yozuvchi kotiba kabi xodimlar faoliyat olib borgan. Arxiv bo‘limi shahar ijroiya qo‘mitasi binosida faoliyat yuritgan.