Kurs ishi.Mashinasozlik Texnologiyasi asoslari. Ostki Plita detali. Mashinasozlikning asosini mashinalarni loyixalash va ishlab chiqarish tashkil etadi. Mashinalar oʼz navbatida jamiyat turmush farovonligini koʼrsatadi. Ular ish unumdorligini, mehnat samaradorligini va mahsulot sifatini oshiradilar. Mustaqillikning boshlangʼich davridayoq, mamlakatimizda mashinasozlikni rivojlantirishga asosiy eʼtibor qaratildi. Koʼplab qoʼshma korxonalari mashinasozlik mahsulotlarini ishlab chiqara boshladi. Mashinalarga yuqori aniqlik va tezlik, issiqlikka chidamlilik, kichik vazn va xajm, mustahkamlik va ishonchlilik kabi yuqori talablar qoʼyilgan. Bunday talablarni oshib borishi mashinasozlar oldiga murakkab konstruktorlik va texnologik savollarni qisqa vaqt ichida yechish masalasini qoʼymoqda. Mashinasozlik texnologiyasi ishlab chiqarish dasturiga asosan belgilangan muddat ichida talab etilgan sifat darajasida mehnat hamda moddiy resurslarni kam sarflagan holda mashina va mexanizmlar tayyorlash qonuniyatlarini oʼrgatadi. Mashinasozlik texnologiyasi fan sifatida shakllanishining asosiy shartlaridan biri insonning mehnat qurollarini takomillashtirishga va ishlab chiqarish unumdorligini oshirishga boʼlgan intilishlaridadir. Mashinasozlikni rivojlanishida hozirgi kunda ikki yoʼnalish asosiy va belgilovchi boʼlib qolmoqda. Bulardan biri ishlab chiqarish jarayonining va uni texnologik tayyorlashni intellektuallashtirish bu oʼz navbatida loyihalash boʼlimlarida va bevosita ishlab chiqarish jarayonlarida EXM lardan va avtomatlashtirish vositalaridan keng koʼlamda foydalanishdan iboratdir. Chunki intellektual loyihalash va ishlab chiqarish tizimlari tayyor mahsulot turining biridan ikkinchisiga oʼtishining moslanuvchanligini taʼminlaydi. Ikkinchi yoʼnalish inson ehtiyojini individualligini, bozor iqtisodiyoti talablarini hisobga olgan holda bir hil vazifani bajaruvchi turli koʼrinishdagi mashina va mexanizmlar yaratishdan iborat.